Buscar

Radio Roncudo

A radio libre e alternativa da Comarca de Bergantiños

Hoxe na Rumboia

Os Carunchos

Ao final de 1994 nacen na bisbarra de Vigo Os Carunchos, coa idea de misturar temas cantados co repertorio de gaiteiros solistas, e co obxectivo de integrar na súa música outros instrumentos cada vez máis presentes na música galega, coma a zanfona, que xa dende o comezo acompañou a súa música. Non sería ate o ano 1998 que graven o seu primeiro disco, ¡Ala, que vai!. Nesta Rumboia adiacada aos Carunchos escoitaremos temas do seu traballo Montealegre (2005) no que aparecen novos instrumentos e temas tanto tradicionais como de diversos compositores da nosa terra.

Advertisements

Volta o Ronsel

Despois de dous anos de ausencia, volta o programa de información de Radio Roncudo e Radio Neria, que contará coa participación de colaboradores de medios da Costa e tamén xente da bisbarra. Os venres ás cinco da tarde e os sábados ás doce da mañá no 106.1fm, 107.8 e emisións na internet. Tamén podes escoitalo pola plataforma Tunein e Ivoox.

A Rumboia, novo espazo de RR

A Asociación de gaiteiros galegos promocionará a música tradicional da terra nun espazo semanal, os venres ás 15.30h, Rumboia. O espazo conta coa colaboración de músicos de primeiro nivel do país, e da man de Radio Roncudo, pretende achegar á Costa o mellor do panorama musical tradicional galego.

Aires Celtas, un programa único sobre música celta

Os presentadores do programa, Francisco e José Armando Salvador.

Probablemente, o mellor programa en contidos musicais sobre música celta, que se poida escoitar nas radios deste país. Ou quen sabe se no mundo. O caso é que podes escoitalo en Radio Roncudo, todos os sábados ás 10.00h. Contidos actualizados, axenda, novidades musicais, todo sobre a música celta nesta hora de radio.

WEB OFICIAL

Rock and Comics

Seguramente, existan moi poucos programas relacionados co Rock e os Comics á vez. Por eso, cada mércores, ás 22.00h, Hugo Rodrigo Zapata, presenta este espazo orixinal onde poderás atopar o mellor dos Comics e do Rock. Así de sinxelo. ¿A que esperas para escoitalo?

VISITA A WEB OFICIAL DO PROGRAMA

Podcast de Radio Roncudo

¿Que non podes escoitar un programa en directo? Lembra que podes escoitar os nosos programas dende o podcast de Radio Roncudo na plataforma Ivoox. Tamén dispoñible para móbiles.

ENTRA NO NOSO CANAL DE IVOOX

 

Funkmanía

Todos os domingos á media noite, o mellor smoothjazz na túa radio. Con David Margam. A música que te fará soñar.

Podcast de Funkmanía

Nova tempada

Comezamos con moita ilusión unha nova tempada. Toda a nosa programación feita dende a Costa para ti.

Ábrete de orellas, cada martes en Radio Roncudo

Pepe Cunha dirixe e presenta Ábrete de Orellas.

Cada martes, ás cinco da tarde, abrímonos de orellas para escoitar a mellor música en galego e a disfrutar da axenda sonora do país: festivais, concertos e actuacións de in terese para a audiencia. Ademáis, Pepe Cunha, presentador deste espazo, sempre nos trae algunha sorpresa sonora, desas xoias musicais do mundo enteiro que sempre nos gusta escoitar.

Máis info na web oficial de Ábrete de Orellas

Crea un sitio web ou un blogue de balde en WordPress.com.

Subir ↑

%d bloggers like this: